തെന്നിന്ത്യന്‍ സിനിമയിലെ താരസുന്ദരിമാരില്‍ ഒരാളാണ് മലയാളിയായ അനു ഇമ്മാനുവല്‍. കമല്‍ സംവിധാനം ചെയ്ത സ്വപ്ന സഞ്ചാരി എന്ന ജയറാം ചിത്രത്തിലൂടെയാണ് താരം മലയാള സിനിമയിലേക്ക് എത്തിയത്.
തുടര്‍ന്ന് യുവ സൂപ്പര്‍താരം നിവിന്‍ പോളി നായകനായ ആക്ഷന്‍ ഹീറോ ബിജു എന്നചിത്രത്തിലുടെ നായികയായി എത്തിയ അനു ഇമ്മാനുവല്‍ പിന്നീട് അന്യഭാഷ ചിത്രങ്ങളില്‍ സജീവമാകുകയായിരുന്നു.
സോഷ്യല്‍ മീഡിയയില്‍ സജീവമായ താരം പലപ്പോഴും തന്റെ വിശേഷങ്ങളും പുതിയ ഫോട്ടോകളും പ്രേക്ഷകരുമായി പങ്കുവെയ്ക്കാറുണ്ട്.
സിനിമയ്ക്ക് അകത്തുള്ള വിശേഷങ്ങള്‍ മാത്രമല്ല പുറത്തുള്ള വിശേഷങ്ങള്‍ പങ്കു വെക്കാനും താരം മടികാണിക്കാറില്ല.
സിനിമയ്ക്ക് പുറത്തെ തന്റെ വ്യക്തി ജീവിതത്തെക്കുറിച്ച് താരം അടുത്തിടെ വെളിപ്പെടുത്തിയിരുന്നു.
അമ്മയാണ് തന്റെ കരുത്ത് എന്നും ജീവിതത്തില്‍ താന്‍ വിശ്വസിക്കുന്ന ഒരേയൊരാള്‍ അമ്മ മാത്രം ആണെന്നും അനു ഇമ്മാനുവല്‍ വ്യക്തമാക്കുന്നു.
നേരത്തെ ഒരു പ്രമുഖ മാഗസിന് നല്‍കിയ അഭിമുഖത്തില്‍ ആയിരുന്നു നടിയുടെ തുറന്നു പറച്ചില്‍.
വിവാഹം ചെയ്യുന്നുണ്ടെങ്കില്‍ ജീവിതത്തിലെ ഏറ്റവും അടുത്ത സുഹൃത്തിനെ വിവാഹം ചെയ്യണം എന്ന അഭിപ്രായമാണ് താരത്തിനുള്ളത്.
വിവാഹ സ്വപ്നങ്ങളെ കുറിച്ച് ചോദിച്ചപ്പോഴാണ് താരം ഇത്തരത്തിലുള്ള അഭിപ്രായം തുറന്നു പറഞ്ഞത്.
വിവാഹം എന്നത് തന്നെ സംബന്ധിച്ചിടത്തോളം വളരെ പ്രധാനപ്പെട്ട കാര്യമാണ് എന്നും അതു കൊണ്ട് തന്നെ പങ്കാളിയെ കണ്ടെത്തുന്നതിന് ധാരാളം സമയവും ക്ഷമയും ആവശ്യമാണ് എന്നും താരം പറയുന്നു.
നിങ്ങളുടെ ബെസ്റ്റ് ഫ്രണ്ടിനെ കല്യാണം കഴിക്കു എന്നുള്ള അഭിപ്രായമാണ് വിവാഹ കാര്യത്തില്‍ ആരെങ്കിലും ഉപദേശം ചോദിച്ചാല്‍ തനിക്ക് പറയാനുള്ളതെന്നും താരം കൂട്ടിച്ചേര്‍ത്തു.
കല്യാണക്കാര്യത്തില്‍ താരത്തിന് ആരാധകര്‍ക്കും പ്രേക്ഷകര്‍ക്കും കൊടുക്കാനുള്ള ഉപദേശവും ഇതു തന്നെയാണ്.
നല്ലൊരു ടീമും സിനിമയും വന്നാല്‍ തീര്‍ച്ചയായും എത്രയും വേഗം മലയാളത്തില്‍ ഒരു സിനിമയുണ്ടാകുമെന്നും താരം പറയുന്നു. താനും കാത്തിരിക്കുകയാണ് ഒരു മലയാളം സിനിമയ്ക്ക് വേണ്ടിയെന്നും നടി വ്യക്തമാക്കുന്നു.
